EKONOMIA GURE BIZITZAN

 

Zergatik da garrantzitsua ekonomia gure eguneroko bizitzan?

Betidanik ekonomia hitza urruti somatu dugu eta prentsa ekonomikoa irakurrita, gure bizitzatik urruti dauden gauzetaz hitzegiten duela uste dugu. Hain hizkera teknikoarekin, asko dira ekonomian arreta jartzeko nahiko deseroso sentiarazten duten artikuluak. Hala ere, jakin behar dugu ekonomiak berebiziko garrantzia duela gure eguneroko bizitzan. Izan ere, ekonomia uste baino presenteago dago gure bizitzan. Baina, zer garrantzia du? Eta zergatik dago presente?

Etengabe, gutako edozein, kostuak eta onurak dakartzaten erabakiak hartzen ari gara.

Ondorengo lerrotan ikusi daitekeen bezala, ekonomia funtsezkoa da gure bizitzan. Horrek ezinbesteko egiten du, adibidez, finantza pertsonalen kudeaketan. Izan ere, gure gastuak eta diru-sarrerak modu orekatuan administratzen baditugu, gure beharrak ase ahal izango ditugu eta, aldi berean, aurreztu, ezustekoak edo larrialdiak sortzen badira ere.

Izan ere, finantza pertsonalak dira ekonomiaren funtsa, eskasia-arazo bati aurre egiten ari baitzaio, gure baliabideei ahalik eta etekin handiena ateratzen saiatzen ari baikara, edo ekonomian "etekina maximizatzea" deritzonari. Baliabideak urriak badira, behar bezala administratu behar ditugu gure beharrak asetzeko, mugagabeak izan baitaitezke.

Ekonomiak, etxeko ekonomiek eta enpresek osatutako gurpil erraldoi honetan, elkarrekiko mendekotasuna dago. Enpresa bat hondoratzeak lanpostu askoren suntsipena esan nahi du eta, beraz, familia askoren hondamendia. Enpresa batek porrot egiten duenean, aberastasuna suntsitzen ari da. Enpresek, berriz, etxeko ekonomiak behar dituzte, kontsumo pribatuari esker etekinak lortzen jarraitu ahal izango baitute, etxeko ekonomiek ere eskulana eskaintzen dietela ahaztu gabe. Honekin, beraz, ekonomiak enpresetan duen garrantzia ikus dezakegu.

Zein da ekonomiaren garrantzia gizartean?

Pertsonen egoera pertsonalaz hurrunago, herrialde baten ekonomiaren martxa onak oparotasuna dakarkie bertako herritarrei.

Horregatik, barne-produktu gordina, inflazio-mailak eta langabezia-tasa bezalako adierazleek ekonomiaren azterketaren garrantzia islatzen dute, gizarte osoaren martxaren ispilu argia baitira. Adierazle horiek, beste askorekin batera, herrialde baten erradiografia ekonomikoa eta sozial bikaina osatzen dute. Are gehiago, ekonomia garrantzia handikoa da herritarrentzat. Gobernu batek hartzen dituen erabakiek ondorio oso garrantzitsuak dituzte etxeko ekonomietan eta enpresetan. Neurri ekonomiko okerrak aplikatzeak porrot ekonomikoa ekar diezaioke herrialdeari, eta aldiz, zentzuzko jarduera ekonomikoak egiten badira, ekonomiari bultzada handia eman diezaiokete, eta horrek herritarren ongizatea hobetzen lagunduko du.

Eta zein da ekonomiaren garrantzia hezkuntzan?

Gainera, jakin behar dugu ekonomiak ere garrantzia handia duela hezkuntzan. Zentzu horretan, ekonomia ezagutzea baliagarria da gure eguneroko bizitzaren eta gure finantza pertsonalen zenbait alderdi aurreikusteko. Hau da, gure diru-sarreren eta gastuen arabera, zein ibertsio mota egin dezakegun ere aurreikusten lagunduko digu.

Argi dago geroz eta beharrezkoagoa dela ekonomiaren ezagutza eta prestakuntza izatea. Horregatik, beharrezkoa da ekonomiaren ezagutza eta analisia gure eguneroko bizitzaren errealitatea hobeto ulertzeko eta munduko ekonomiaren ikuspegi orokorra izateko.

Izan ere, hezkuntzan, enpresetan, gure egunerokotasunean, pertsonen bizitzan eta, orohar, denetarako, ekonomia funtsezkoa da erabaki hobeak hartzeko. Haurrak garenetik, heldutasunerako bidean, ekonomia zer den eta zer suposatzen duenaren kontzientzia handiagoa hartu beharko genukeela uste dut, lehenago aipatu den bezala, erabaki onak eta egokiak hartzen ikasten joan ahal izateko.